රිය නියාමක වැඩසටහන ක්රියාත්මක වන පාසල් සඳහා රිය නියාමක කට්ටල ලබාදීමේ වැඩසටහන
බස්නාහිර පළාතේ රිය නියාමක වැඩසටහන ක්රියාත්මක වන පාසල් සඳහා රිය නියාමක කට්ටල ලබාදීමේ වැඩසටහන යටතේ ඉල්ලීම් ලැබී තිබූ පාසල් වෙත රිය නියාමක කට්ටල ලබා දීම හා රිය නියාමන කටයුතු සම්බන්ධ දැනුවත් කිරීම් සිදු කිරීම මාර්ග ආරක්ෂාව පිළිබඳ ජාතික සභාවේ නිලධාරීන් විසින් සිදු කරමින් පවතින වැඩසටහනකි.
මෙහිදී රිය නියාමක ජැකට් 06ක්, රිය නියාමක සංඥා පුවරු 02ක් බැගින් වූ කට්ටලයන්, අයදුම්පත් යොමු කර ඇති පාසල් 135ක් සඳහාත්, තවත් කට්ටල 165 ක් අධ්යාපන අමාත්යාංශය හරහා බෙදා දීමත් සිදු කරන ලබයි.
මාර්ග ආරක්ෂණ අධ්යයන ඒ්කක වැඩසටහන - කොළඹ විහාර මහා දේවි උද්යානය
කොළඹ මහ නගර සභාව හා මාර්ග ආරක්ෂාව පිළිබඳ ජාතික සභාව එක්ව පාසල් සිසුන් දැනුවත් කිරීම සඳහා මාර්ග ආරක්ෂණ ඒකකයක් විහාරමහාදේවි උද්යානයේ ස්ථාපිත කරන ලද අතර, එහිදී පාසල් සිසුන් දැනුවත් කිරීම හා එම මාර්ග ආරක්ෂා ඒකකය වෙත පාපැදි ලබාදීමේ අවස්ථාවක් ප්රවාහන රාජ්ය අමාත්ය ලසන්ත අලගියවන්න මහතාගේ සහ කොළඹ නගරාධිපතිනි රෝසි සේනානායක මහත්මියගේ ප්රධානත්වයෙන් සිදු විය.
පාසල් සිසුන් සඳහා ප්රායෝගික පුහුණුවක් ලබා දෙමින් මාර්ග නීති රීති පිළිබඳව දරුවන්ට දැනුම ලබාදීමේ අරමුණින් ස්ථාපිත කරන ලද මෙම උද්යානයේ මාර්ග ආරක්ෂණ ඒකකය මඟින් කොළඹ නගර සීමාව තුළ පමණක් නොව දිවයින පුරාම ඇති පාසල් දරුවන් සඳහා මෙම ඒකකයේ මාර්ග නීති රීති පිළිබඳ ප්රායෝගික පුහුණුවට සහභාගී විය හැකිය. එක් කණ්ඩායමක් සඳහා පුහුණු කාලය පැය දෙකකි. පුහුණු කාලයෙන් පසුව සහතික පත්රයක් එම ප්රායෝගික පුහුණුව අවසන් කළ සිසු දරුවන්ට පිරිනැමේ. එමෙන්ම කොළඹ නගරයේ අධ්යාපන චාරිකා වල නියැලෙන පිට පළාත්වල පාසල් දරුවන් හට ද මෙම මාර්ග ආරක්ෂණ ඒකකයේ ප්රායෝගික පුහුණුව සඳහා සහභාගී විය හැක. මේ සඳහා කොළඹ මහ නගර සභාවේ අනුමැතිය ලබා ගත යුතු වේ.
ශ්රී ලංකා ශාන්ත ජෝන් ගිලන් සේවයේ සිසු සිසුවියන් දැනුවත් කිරීම
